ಸ್ಯಾಂಡಲ್‌ವುಡ್‌ನ ತಾರಾ ಜೋಡಿ, ಲವ್‌ ಮಾಕ್ಟೇಲ್‌ ಕಪಲ್ಸ್‌ಗಳಾದ ಆದಿ-ನಿಧಿ ತಮ್ಮ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌ ಕೊಟ್ಟಿದ್ದಾರೆ. ಶಿವರಾತ್ರಿ ಹಬ್ಬದಂದೇ ತಾವು ತಂದೆ-ತಾಯಿಯಾಗ್ತಿರುವ ಖುಷಿ ಹಂಚಿಕೊಂಡಿದ್ದಾರೆ. ಸೆಪ್ಟೆಂಬರ್‌ನಲ್ಲಿ ಮೊದಲ ಕಂದಮ್ಮನ ಆಗಮನವಾಗಲಿದ್ದು, ಡಾರ್ಲಿಂಗ್‌ ಹಾಗೂ ಮಿಲನ ದಂಪತಿ ದಿಲ್‌ ಖುಷ್‌ ಆಗಿದ್ದಾರೆ. ಮುದ್ದು ಮಗುವಿನ ಸ್ವಾಗತಕ್ಕೆ ಕಾತುರರಾಗಿದ್ದಾರೆ.
ಡಾರ್ಲಿಂಗ್‌ ಹಾಗೂ ಮಿಲನ ರೀಲ್‌ನಲ್ಲಿ ಜೋಡಿಯಾಗಿದ್ದವರು. ಒಟ್ಟಿಗೆ ಸಿನಿಮಾ ಮಾಡ್ತಾ, ಕನೆಕ್ಟ್‌ ಆದ ಈ ಜೋಡಿ ರಿಯಲ್‌ ಲೈಫ್‌ನಲ್ಲಿ ಒಂದಾದರು. 2021 ಫೆಬ್ರವರಿ 14ರಂದು ಅಗ್ನಿಸಾಕ್ಷಿಯಾಗಿ ಸಪ್ತಪದಿ ತುಳಿದು ಬಾಳಬಂಧನಕ್ಕೊಳಗಾದರು. ಇವರಿಬ್ಬರು ವೈವಾಹಿಕ ಜೀವನಕ್ಕೆ ಕಾಲಿರಿಸಿ ಮೂರು ವರ್ಷಗಳು ಕಳೆದವು. ಇದೀಗ ಈ ಜೋಡಿ ಗುಡ್‌ನ್ಯೂಸ್‌ ಕೊಟ್ಟಿದೆ. ಪೋಷಕರಾಗಲಿರುವ ಸಂತಸವನ್ನ ಅಭಿಮಾನಿಗಳೊಟ್ಟಿಗೆ ಹಂಚಿಕೊಂಡಿದೆ.
ಲವ್‌ ಮಾಕ್ಟೇಲ್‌ ಸಿನಿಮಾದಿಂದ ಜನಪ್ರಿಯತೆ ಗಳಿಸಿದ ಜೋಡಿ, ಲವ್‌ ಮಾಕ್ಟೇಲ್‌-2 ಮೂಲಕ ಜನರ ಮನಸ್ಸು ಗೆದ್ದಿತ್ತು. ಇದೀಗ ಸಿನಿಮಾ ಪ್ರೇಮಿಗಳು ಲವ್‌ ಮಾಕ್ಟೇಲ್‌ 3 ಯಾವಾಗ ಅಂತಿದ್ದಾರೆ. ಆ ಸಿನಿಮಾವನ್ನ ಪ್ರೇಕ್ಷಕರ ಮಡಿಲಿಗೆ ಹಾಕೋ ಮೊದಲೇ ಮಿಲನ ಮಡಿಲಿಗೆ ಮುದ್ದು ಕಂದನ ಎಂಟ್ರಿಯಾಗ್ತಿದೆ. ಆ ಕೂಸಿಗೆ ಅಂಡ್‌ ಈ ಜೋಡಿಗೆ ಒಳ್ಳೆದಾಗಲಿ, ಎಲ್ಲರ ಹಾರೈಕೆ, ಆಶೀರ್ವಾದ ಇರಲಿ ಅನ್ನೋದೇ ನಮ್ಮಾಸೆ.
