Kriti Sannon: ಮಿಮಿ ಸಿನಿಮಾದ ಅದ್ಭುತ ನಟನೆಗೆ ರಾಷ್ಟ್ರ ಪ್ರಶಸ್ತಿ ಪಡೆದುಕೊಂಡು ಎಲ್ಲರ ಗಮನ ಸೆಳೆದ ನಟಿ ಕೃತಿ ಸನೂನ್(Kriti Sannon). ಪರಮ ಸುಂದರಿ ಹಾಡಿನ ಮೂಲಕ ಎಲ್ಲರ ದಿಲ್‌ ಕದ್ದ ಈಕೆ ಬಿಟೌನ್‌ನ ಬಹು ಬೇಡಿಕೆಯ ನಟಿ. ಸದ್ಯ ತಮ್ಮ ಲೈಫ್‌ ಪಾರ್ಟ್‌ನರ್‌ ಹೇಗಿರಬೇಕು ಅನ್ನೋದನ್ನು ಓಪನ್‌ ಆಗಿ ಹೇಳಿದ್ದಾರೆ.
ಇತ್ತೀಚೆಗೆ ತನ್ನ ಲೈಫ್‌ ಪಾರ್ಟ್‌ನರ್‌ ಬಗ್ಗೆ ಸಂದರ್ಶನವೊಂದರಲ್ಲಿ ಓಪನ್‌ ಆಗಿ ಮಾತನಾಡಿದ್ದಾರೆ ಕೃತಿ ಸನೂನ್(Kriti Sannon). ತನ್ನ ಹಾಗೂ ತನ್ನ ಕೆಲಸವನ್ನು ಆತ ಗೌರವಿಸಬೇಕು. ಗಂಟೆಗಟ್ಟಲೇ ನನ್ನೊಂದಿಗೆ ಮಾತನಾಡಬೇಕು. ನನ್ನನ್ನು ನಗಿಸಬೇಕು, ಮುಖವಾಡವಿಲ್ಲದ ವ್ಯಕ್ತಿತ್ವವಾಗಿರಬೇಕು, ಸ್ವಂತದವರಂತೆ ಜೋಪಾನ ಮಾಡಬೇಕು ಎನ್ನುವ ಮೂಲಕ ತನ್ನ ಪ್ರಿಯಕರನಿಗೆ ಈ ರೀತಿ ಕ್ವಾಲಿಟಿ ಇರಬೇಕು ಎಂದು ಕೃತಿ ಸನೂನ್ ಹೇಳಿದ್ದಾರೆ. ಕೃತಿ ಈ ಸ್ಟೇಟ್‌ಮೆಂಟ್‌ ಸಖತ್‌ ವೈರಲ್‌ ಆಗಿದೆ.
ಅಂದ್ಹಾಗೆ ಬಿಟೌನ್‌ ಈ ಚೆಲುವೆ ಹೆಸರು ಪ್ರಭಾಸ್‌(Prabhas), ಸುಶಾಂತ್‌ ಸಿಂಗ್‌ ರಜಪೂತ್‌ ಜೊತೆ ತಳುಕು ಹಾಕಿಕೊಂಡಿತ್ತು, ಇದೀಗ ಕೃತಿ(Kriti Sanoon) ಕಬೀರ್‌ ಭಾಹಿಯ ಜೊತೆ ಡೇಟಿಂಗ್‌ನಲ್ಲಿದ್ದಾಳೆ ಎನ್ನುತ್ತಿದೆ ಬಿಟೌನ್‌ ಅಂಗಳ. ಇತ್ತೀಚೆಗೆ ಕೃತಿ ಸನೂನ್ ನಟಿಸಿದ ಕ್ರ್ಯೂ ಸಿನಿಮಾ ಸಕ್ಸಸ್‌ ಕಂಡಿದ್ದು, ಈ ಚಿತ್ರದಲ್ಲಿ ಕರೀನಾ, ಟಬು ಕೂಡ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಕೃತಿ ನಟಿಸಿ ನಿರ್ಮಿಸಿರುವ ‘ದೋ ಪಟ್ಟಿ’ ಸಿನಿಮಾ ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. ಈ ಚಿತ್ರದಲ್ಲಿ ಕಾಜಲ್‌ ಕೂಡ ನಟಿಸಿದ್ದಾರೆ.
