Pawan Kalyan: ಟಾಲಿವುಡ್‌ ಪವರ್‌ ಸ್ಟಾರ್‌ ಪವನ್‌ ಕಲ್ಯಾಣ್‌(Pawan Kalyan) ಅಭಿನಯ ಬಹು ನಿರೀಕ್ಷಿತ ಸಿನಿಮಾ ‘ಹರಿ ಹರ ವೀರಮಲ್ಲು’ (Hari Hara Veera Mallu). ಪವರ್‌ ಸ್ಟಾರ್‌ ಬಹುಸಂಖ್ಯಾತ ಭಕ್ತಗಣ ಮೂರು ವರ್ಷದಿಂದ ಈ ಸಿನಿಮಾಗಾಗಿ ಕಾಯುತ್ತಿದೆ. ಅವರ ಕಾಯುವಿಕೆ ಅರಿತಿರುವ ಚಿತ್ರತಂಡ ಟೀಸರ್‌ ಉಡುಗೊರೆ ನೀಡಲು ತೀರ್ಮಾನಿಸಿದೆ.
‘ಹರಿ ಹರ ವೀರಮಲ್ಲು’ (Hari Hara Veera Mallu) ಸಿನಿಮಾ ಸೆಟ್ಟೇರಿ ಬರೋಬ್ಬರಿ ಮೂರು ವರ್ಷಗಳಾಗಿವೆ ಸಿನಿಮಾ ಇನ್ನೂ ಬಿಡುಗಡೆಯಾಗಿಲ್ಲ. ಸಿನಿಮಾ ಯಾವಾಗ ಎಂದು ಕೇಳುತ್ತಿದೆ ಪವರ್‌ ಸ್ಟಾರ್‌ ಭಕ್ತಗಣ. ಇದಕ್ಕೆಲ್ಲ ಉತ್ತರ ಎನ್ನುವಂತೆ ರಾಮ ನವಮಿಗೆ ಹೊಸ ಪೋಸ್ಟರ್‌ ಬಿಡುಗಡೆ ಮಾಡಿ, ಅತಿ ಶೀಘ್ರದಲ್ಲೇ ಟೀಸರ್‌ ತುಣುಕನ್ನು ಉಣ ಬಡಿಸುತ್ತೇವೆ ಎಂದಿದೆ ಚಿತ್ರತಂಡ. ಈ ಸಿಹಿ ಸುದ್ದಿ ಪವನ್‌ ಕಲ್ಯಾಣ್‌(Pawan Kalyan) ಅಭಿಮಾನಿಗಳಲ್ಲಿ ರಾಮ ನವಮಿ ಸಂಭ್ರಮವನ್ನು ಹೆಚ್ಚಿಸಿದೆ.
ಪೀರಿಯಡ್‌ ಡ್ರಾಮ ಸಬ್ಜೆಕ್ಟ್‌ ಒಳಗೊಂಡ ಈ ಚಿತ್ರದಲ್ಲಿ ರಾಬಿನ್‌ ಹುಡ್‌ ಪಾತ್ರಕ್ಕೆ ಪವನ್‌ ಕಲ್ಯಾಣ್‌(Pawan Kalyan) ಬಣ್ಣ ಹಚ್ಚಿದ್ದಾರೆ. ಮೊಘಲ್‌ ಆಳ್ವಿಕೆ ಕಾಲದಲ್ಲಿ ನಡೆದ ಘಟನೆ ಆಧರಿಸಿದ ಚಿತ್ರದಲ್ಲಿ ಪೌರಾಣಿಕ ದುಷ್ಕರ್ಮಿ ವೀರ ಮಲ್ಲು ಜೀವನವನ್ನು ತೆರೆದಿಡಲಾಗಿದೆ. ಆಕ್ಷನ್‌ ಪವರ್‌ ಪ್ಯಾಕ್ಡ್‌ ಕಥಾಹಂದರ ಒಳಗೊಂಡ ಚಿತ್ರಕ್ಕೆ ಕ್ರಿಶ್‌ ಜಗರ್ಲಮುಡಿ(Krish Jagarlamudi) ಆಕ್ಷನ್‌ ಕಟ್‌ ಹೇಳಿದ್ದಾರೆ. ಆಸ್ಕರ್‌ ವಿನ್ನರ್‌ ಎಂ.ಎಂ ಕೀರವಾಣಿ(M M Keeravani) ಸಂಗೀತ ನಿರ್ದೇಶವಿರುವ ಚಿತ್ರದಲ್ಲಿ ನಾಯಕಿಯಾಗಿ ನಿಧಿ ಅಗರ್ವಾಲ್‌(Nidhi Agerwal) ನಟಿಸುತ್ತಿದ್ದಾರೆ.
