Raashii Khanna: ಸೌತ್‌ ಸಿನಿರಂಗದ ಚೆಂದದ ತಾರೆಯರಲ್ಲಿ ನಟಿ ರಾಶಿ ಖನ್ನಾ(Raashii Kanna) ಕೂಡ ಒಬ್ಬರು. ತೆಲುಗು, ತಮಿಳು ಸಿನಿಮಾಗಳಲ್ಲಿ ಸಖತ್‌ ಬ್ಯುಸಿ ಇರುವ ಈ ನಟಿ ಸದ್ಯ ನಯಾ ಫೋಟೋಶೂಟ್‌ ಮೂಲಕ ಸೋಶಿಯಲ್‌ ಮೀಡಿಯಾದಲ್ಲಿ ಗಮನ ಸೆಳೆಯುತ್ತಿದ್ದಾರೆ.
ಬ್ಲಾಕ್‌ ಡ್ರೆಸ್‌ನಲ್ಲಿ ಮಿಂಚಿರುವ ರಾಶಿ ಖನ್ನಾ(Raashii Kanna) ಸಖತ್‌ ಡ್ಯಾಶಿಂಗ್‌ ಲುಕ್‌ನಲ್ಲಿ ಕಿಕ್ಕೇರಿಸುತ್ತಿದ್ದಾರೆ. ಬ್ಲ್ಯಾಕ್‌ ಮ್ಯಾಜಿಕ್‌ ಎಂದು ಕ್ಯಾಷ್ಷನ್‌ ನೀಡಿ ಸೋಶಿಯಲ್‌ ಮೀಡಿಯಾದಲ್ಲಿ ಫೋಟೋಸ್‌ ಅಪ್‌ಲೋಡ್‌ ಮಾಡಿದ್ದಾರೆ. ಇನ್‌ಸ್ಟಾದಲ್ಲಿ ಹನ್ನೊಂದು ಮಿಲಿಯನ್‌ ಫಾಲೋಯರ್ಸ್‌ ಹೊಂದಿರುವ ಈಕೆಯ ನಯಾ ಫೋಟೋಗಳಿಗೆ ಮಿಲಯನ್‌ ಗಟ್ಟಲೇ ವೀವ್ಸ್‌ ಬಂದಿದೆ. ಅಂದ, ಚೆಂದ, ವೈಯ್ಯಾರ, ಆಕ್ಟಿಂಗ್‌ನಲ್ಲಿ ಯಾವುದೇ ಕೊರತೆ ಇರದ ನಟಿಗೆ ಸಿನಿಮಾಗಳೇಕೋ ಕೈ ಹಿಡಿಯುತ್ತಿಲ್ಲ.
ಹೌದು, ರಾಶಿ ಖನ್ನಾ(Raashii Khanna) ಒಂದು ದಶಕದಿಂದ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ತೆಲುಗು, ತಮಿಳು ಸಿನಿಮಾದಲ್ಲಿ ಸಖತ್‌ ಬ್ಯುಸಿ ಇರುವ ಈ ಬಾಲೆ ಅಂದುಕೊಂಡಷ್ಟು ಗೆಲುವನ್ನು ಕಂಡಿಲ್ಲ. 2013ರಲ್ಲಿ ‘ಮದ್ರಾಸ್‌ ಕೆಫೆ’ ಸಿನಿಮಾ ಮೂಲಕ ಹಿಂದಿಯಲ್ಲಿ ನಟಿಯಾಗಿ ಕೆರಿಯರ್‌ ಶುರುಮಾಡಿದ ಗ್ಲಾಮರ್‌ ಗೊಂಬೆ ನಂತರ ಗುರುತಿಸಿಕೊಂಡಿದ್ದು ಸೌತ್‌ ಇಂಡಿಯಾದಲ್ಲೇ. ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ರು ಕೂಡ ಬಿಗ್‌ ಸಕ್ಸಸ್‌ ಈ ನಟಿಗೆ ಮರೀಚಿಕೆಯಾಗಿ ಉಳಿದಿದೆ.
33 ವರ್ಷದ ಈ ಚೆಲುವೆ ನಟಿಸಿರುವ ‘ಬಾಕ್‌’ ಸಿನಿಮಾ ಕೂಡ ಬಾಕ್ಸ್‌ ಆಫೀಸ್‌ನಲ್ಲಿ ಸೋಲು ಕಂಡಿದೆ. ಸದ್ಯ ಯಾವ ಸ್ಟಾರ್‌ ನಟರ ಸಿನಿಮಾಗಳು ಈಕೆಯ ಕೈಲಿಲ್ಲ. ನಿತಿನ್‌ ಸಿನಿಮಾಗೆ ಈಕೆ ನಾಯಕಿ ಎಂದು ಹೇಳಲಾಗ್ತಿತ್ತು. ಈಗ ಆ ಸಿನಿಮಾ ಕೂಡ ಕೈತಪ್ಪಿದೆ. ಇದ್ರಿಂದ ಈಕೆಯ ಸಿನಿ ಕೆರಿಯರ್‌ ಡೋಲಾಯಮಾನ ಸ್ಥಿತಿ ತಲುಪಿದೆ. ಹೊಸಬರ ಹಾವಳಿಯಲ್ಲಿ ಮಿಂದೇಳುತ್ತಿರುವ ಚಿತ್ರರಂಗದಲ್ಲಿ ರಾಶಿ ಖನ್ನಾ(Raashii Khanna) ಅದೃಷ್ಟ ಯಾವಾಗ ಖುಲಾಯಿಸುತ್ತೆ ಕಾದು ನೋಡ್ಬೇಕು.
