Abdu Rozik: ಬಾಲಿವುಡ್ ಬಿಗ್‌ ಬಾಸ್‌ 16ನೇ ಸೀಸನ್‌ ಮೂಲಕ ಮುನ್ನೆಲೆಗೆ ಬಂದ ಪ್ರತಿಭೆ ಅಬ್ದು ರೋಜಿಕ್(Abdu Rozik). ಬಿಗ್‌ಬಾಸ್‌ ಮೂಲಕ ಖ್ಯಾತಿಗಳಿಸಿದ ಈ ತಜಿಕಿಸ್ತಾನಿ ಸಿಂಗರ್‌ ಗುಡ್‌ ನ್ಯೂಸ್‌ ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈತ ಹಂಚಿಕೊಂಡ ಫೋಟೋಸ್‌ ವೈರಲ್‌ ಆಗಿದೆ.
ಅಬ್ದು ರೋಜಿಕ್(Abdu Rozik) ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಸೋಶಿಯಲ್‌ ಮೀಡಿಯಾದಲ್ಲಿ ಎಂಗೇಜ್‌ಮೆಂಟ್‌ ವಿಡಿಯೋ, ಫೋಟೋಸ್‌ ಹಂಚಿಕೊಂಡು ಸರ್ಪ್ರೈಸ್‌ ನೀಡಿದ್ದಾರೆ. ಫಿಯನ್ಸಿ ಅಮಿರಃ ಜೊತೆಗಿರುವ ಫೋಟೋ ಹಂಚಿಕೊಂಡು ಹೊಸ ಬಾಳಿಗೆ ಹೆಜ್ಜೆ ಇಡುತ್ತಿರುವ ಬಗ್ಗೆ ಸಿಹಿ ಸುದ್ದಿ ನೀಡಿದ್ದಾರೆ. ಕಳೆದ ಏಪ್ರಿಲ್‌ 24ರಲ್ಲಿ ಅಬ್ದು ನಿಶ್ವಿತಾರ್ಥ ನೆರವೇರಿದ್ದು, ಸೆಲೆಬ್ರೆಟಿಗಳು, ಆಪ್ತರು ಶುಭ ಹಾರೈಸಿದ್ದಾರೆ. ಜುಲೈ 7ರಂದು ಅಮಿರಃ ಜೊತೆ ವೈವಾಹಿಕ ಜೀವನಕ್ಕೆ ಅಬ್ದು ರೋಜಿಕ್ (Abdu Rozik)ಕಾಲಿಡುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಸಂತಸ ಹಂಚಿಕೊಂಡಿರುವ 20 ವರ್ಷದ ಅಬ್ದು ದುಬೈನಲ್ಲಿ ಮದುವೆ ನಡೆಯುತ್ತಿದ್ದು, ನಟ ಸಲ್ಮಾನ್‌ ಖಾನ್(Salman Khan) ಹಾಗೂ ಇತರ ತಾರೆಯರು ಮದುವೆಯಲ್ಲಿ ಭಾಗಿಯಾಗಲಿದ್ದಾರೆ ಎಂದು ತಿಳಿಸಿದ್ದಾರೆ.
ಅಬ್ದು ರೊಜಿಕ್‌ ಎಂಗೇಜ್‌ಮೆಂಟ್‌ ಸುದ್ದಿ ತಿಳಿದ ಸಲ್ಲು ಭಾಯ್‌ ಶುಭ ಕೋರಿದ್ದಾರಂತೆ. ಬಾಲಿವುಡ್ ಸೂಪರ್‌ ಸ್ಟಾರ್‌ ಸಲ್ಮಾನ್‌ ಖಾನ್(Salman Khan) ತಮಗೆ ಶುಭ ಕೋರಲು ಮನೆಗೆ ಆಹ್ವಾನ ನೀಡಿದ್ದರು. ಜೊತೆಗೆ ದುಬೈನಲ್ಲಿ ನಡೆಯುವ ಮದುವೆಗೆ ಬರುವುದಾಗಿ ಹೇಳಿದ್ದಾರೆ ಎಂದು ಅಬ್ದು ತಿಳಿಸಿದ್ದಾರೆ. ಬಿಗ್‌ ಬಾಸ್‌ ಮೂಲಕ ಅಪಾರ ಜನಪ್ರಿಯತೆ ಗಳಿಸಿರುವ ಅಬ್ದು ರೋಜಿಕ್ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.
