Prashanth Neel: ಕೆಜಿಎಫ್(KGF) ಸಿನಿಮಾ ಮೂಲಕ ಜಪ್ರಿಯತೆ, ಖ್ಯಾತಿ ಗಳಿಸಿಕೊಂಡಿರುವ ಚಂದನವನದ ನಿರ್ದೇಶಕ ಪ್ರಶಾಂತ್ ನೀಲ್(Prashanth Neel). ‘ಕೆಜಿಎಫ್2’ ಮೂಲಕ ಮತ್ತಷ್ಟು ಸೆನ್ಸೇಶನ್ ಕ್ರಿಯೇಟ್ ಮಾಡಿ ಭಾರತೀಯ ಚಿತ್ರರಂಗವನ್ನು ತನ್ನತ್ತ ಸೆಳೆದುಕೊಂಡ ಪ್ರತಿಭಾವಂತ ನಿರ್ದೇಶಕ. ಈ ಸಿನಿಮಾಗಳ ನಂತರ ಕೆಜಿಎಫ್ ಸಾರಥಿ ಸ್ಟಾರ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಆದ್ರೆ ಹೋದಲ್ಲಿ ಬಂದಲ್ಲಿ ಕೇಳೋ ಪ್ರಶ್ನೆಗಳು ಮೌನ ಮುರಿಯುವಂತೆ ಮಾಡಿದೆ.
ಕೆಜಿಎಫ್(KGF) ಬಂದ ಮೇಲೆ ಸೀಕ್ವೆಲ್ ಬಗ್ಗೆ ಪ್ರಶ್ನೆ ಈಗ ‘ಕೆಜಿಎಫ್3’ ಬಗ್ಗೆ ಎಲ್ಲೇ ಹೋದ್ರು ಫ್ಯಾನ್ಸ್ ಬೆನ್ ಬಿಡದೇ ಕೇಳುತ್ತಿದ್ದಾರೆ. ಇದರ ಜೊತೆಗೆ ‘ಸಲಾರ್ 2’ ಬಗ್ಗೆಯೂ ಪ್ರಶ್ನೆ ಎದ್ದಿದೆ. ಸಿನಿಮಾ ಆಯ್ತು, ತನ್ನ ಕೆಲಸ ಆಯ್ತು ಅನ್ನೋ ಪ್ರಶಾಂತ್ ನೀಲ್ ಹೀಗೆ ಕೇಳೋ ಪ್ರಶ್ನೆಯಿಂದ ಓಡಿ ಸಾಕಾಗಿ ಮೌನ ಮುರಿದು ಉತ್ತರ ನೀಡಿದ್ದಾರೆ. ‘ಕೆಜಿಎಫ್3’, ‘ಸಲಾರ್2’ ಎರಡೂ ಕಥೆ ರೆಡಿಯಿದೆ. ಶೂಟಿಂಗ್ ಹೋಗಲು ರೆಡಿಯಿದ್ದೇವೆ, ಆದರೆ ನನಗೆ ಸ್ವಲ್ಪ ಬ್ರೇಕ್ ಬೇಕು ಎಂದಿದ್ದಾರೆ. ಕೆಜಿಎಫ್ ಸರಣಿ, ಸಲಾರ್ ಬಳಿಕ ನಾನು ಬ್ರೇಕ್ ತೆಗೆದುಕೊಳ್ಳಬೇಕಿದೆ ಎಂದಿದ್ದಾರೆ.
ಯಶ್ ಬೇರೆ ಬೇರೆ ಕಮಿಟ್ಮೆಂಟ್ನಲ್ಲಿ ಬ್ಯುಸಿ ಇದ್ದಾರೆ, ವಿಜಯ್ ಕಿರಂಗದೂರು ಸರ್ ಬೇರೆ ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಪ್ರಭಾಸ್ ಕಲ್ಕಿ ಪ್ರಮೋಶನ್, ರಾಜಾ ಸಾಬ್ ಸಿನಿಮಾಗಳಲಿ ಬ್ಯುಸಿ ಇದ್ದಾರೆ. ಬೇರೆ ಬೇರೆ ಸಿನಿಮಾಗಳಲ್ಲಿ ಬ್ಯುಸಿ ಇರುವಾಗ ಶೂಟಿಂಗ್ ಹೊರಟಲು ಸಾಧ್ಯವಿಲ್ಲ. ಪ್ರಾಜೆಕ್ಟ್ ಮುಗಿದ ಬಳಿವಷ್ಟೇ ಸಿನಿಮಾ ಆರಂಭವಾಗಬೇಕಿದೆ ಎಂದಿದ್ದಾರೆ. ಅಲ್ಲಿಗೆ ‘ಕೆಜಿಎಫ್3’ ಹಾಗೂ ಸಲಾರ್ ಸೀಕ್ವೆಲ್ ಬರೋದು ಕನ್ಫರ್ಮ್ ಆದ್ರೆ ಯಾವಾಗ ಅನ್ನೋದು ಸದ್ಯಕ್ಕೆ ಸಿಗದ ಉತ್ತರ.
