ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಹೊಸ ಸಿನಿಮಾ ಇಂದು ಸದ್ದಿಲ್ಲದೇ ಸೆಟ್ಟೇರಿದೆ. ಬೆಂಗಳೂರಿನ ದೊಡ್ಡ ಮಹಾ ಗಣಪತಿ ಸನ್ನಿಧಿಯಲ್ಲಿ ಮುಹೂರ್ತ ನೆರವೇರಿದ್ದು ಚಿತ್ರಕ್ಕೆ `ಡೆವಿಲ್’ ಅಂತ ಶೀರ್ಷಿಕೆ ನೀಡಲಾಗಿದೆ. ವಿಶೇಷ ಅಂದರೆ ತಾರಕ್ ಜೋಡಿ ಮತ್ತೆ ಒಂದಾಗಿದೆ. ಎರಡನೇ ಭಾರಿಗೆ ನಿರ್ದೇಶಕ ಮಿಲನ ಪ್ರಕಾಶ್ ದಾಸನ ಜೊತೆ ಕೈ ಜೋಡಿಸಿದ್ದಾರೆ.
ತಾರಕ್ ಸಿನಿಮಾದ ಮೂಲಕ ಈ ಜೋಡಿ ಮೊದಲ ಭಾರಿಗೆ ಒಂದಾಗಿತ್ತು. `ಮಿಲನ’, `ವಂಶಿ’ ಯಂತಹ ಸೂಪರ್ ಹಿಟ್ ಸಿನಿಮಾ ಕೊಟ್ಟಿದ್ದ ನಿರ್ದೇಶಕ ಪ್ರಕಾಶ್, ದಚ್ಚುಗೆ `ತಾರಕ್’ ಅನ್ನೋ ಯಶಸ್ವಿ ನೀಡಿದ್ದರು. ಇದೀಗ ಮತ್ತೊಮ್ಮೆ ಕೈ ಜೋಡಿಸುವ ಮೂಲಕ ಕುತೂಹಲ ಕೆರಳಿಸಿದ್ದಾರೆ.
ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಲಿದ್ದು, ವೈಷ್ಣೋ ಸ್ಟುಡಿಯೋಸ್ ಬ್ಯಾನರ್ ಅಡಿಯಲ್ಲಿ ಈ ಚಿತ್ರ ನಿರ್ಮಾಣಗೊಳ್ತಿದೆ. ಬಹುನಿರೀಕ್ಷಿತ ಕಾಟೇರ ರಿಲೀಸ್ಗೆ ರೆಡಿಯಾಗ್ತಿದ್ದು ಈ ನಡುವೆ ಮತ್ತೊಂದು ಸಿನಿಮಾ ಸೆಟ್ಟೇರಿರುವುದು ಬಾಕ್ಸ್ ಆಫೀಸ್ ಸುಲ್ತಾನನ ಅಭಿಮಾನಿಗಳಿಗೆ ಸಂತಸ ತಂದಿದೆ.
